Mutualia Gizarte Segurantzarekin lankidetza duen 2zk.ko Mutua da, eta Euskadiko erreferentziazko mutualitatea.

Mutualia irabazi-asmorik gabeko eta erantzukizun mankomunatuko enpresa-elkartea da. Gizarte Segurantzarekin lankidetzan dihardu, enpresentzako, haien langileentzako eta bestelako bezeroentzako osasun-zerbitzuak kudeatzen, prestazio ekonomikoak eskaintzen eta prebentzioa sustatzen.

Mutualia 2005ean sortu zen, Mutua Vizcaya Industrial eta Pakearen fusioaren ondorioz, eta 2007. urtean La Previsora gehitu zitzaien, laneko istripuen lehen mutua, antzinakoena, 1900.eko martxoaren 25ean jaiotakoa.

Zer da mutua bat?

Mutuak, hain zuzen, irabazi-asmorik gabeko enpresa elkarteak gara.  Lan, Migrazio eta Gizarte Segurantzako Ministerioaren baimena dugu Gizarte Segurantzaren kudeaketan lankidetzan jarduteko. Hala, osasun estaldura ematea eta prestazio ekonomikoak kudeatzea da gure jarduera nagusia. Laneko arriskuen prebentzioarekin lotutako aholkularitza ere ematen diegu enpresei. Honako izapide hauek egiten ditugu:

• Laneko istriputik eratorritako osasun laguntza eta prestazio ekonomikoa.
• Gaixotasun bajetatik eratorritako prestazio ekonomikoa.
• Haurdunaldian eta edoskitze naturalean izan daitekeen arriskuagatiko prestazio ekonomikoa.
• Gaixotasun larria duten adingabeen zaintzagatiko prestazio ekonomikoa.
• Langile autonomoek jarduera egiteari uztearen ondoriozko (langabezia) prestazio ekonomikoa.

Mutuak ehun urtetik gorako erakundeak gara, Gizarte Segurantzaren sorreran parte hartu genuenak, eta gaur egun ere, Sistemaren eraikuntzan laguntzen jarraitzen dugunak. Laneko Istripuen Mutuen Elkartean (AMAT) gaude txertatuta, eta Enplegu eta Gizarte Segurantzako Ministerioaren eta Gizarte Segurantzako Estatu Idazkaritzaren menpekoak gara.

Enpresaburu bakoitzak mutua bat aukeratzen du, eta haren kide egiten da. Sortutako kidetza hori da mutua bat, eta berori arduratuko da, elkarlanean, kudeaketa ekonomikoaz. Irabazi-asmorik gabeko enpresa elkarteak izanda, kudeaketaren soberakinak Gizarte Segurantzara bideratzen dira.

Mutualiaren kultura korporatiboa

Jomuga

Pertsonei osasuna, segurtasuna eta ongizatea edukitzeko eskubidea bermatzea, Gizarte Segurantzarekin lankidetzan.

Balioak

Taldea, hurbiltasuna, profesionaltasuna, eraginkortasuna, gardentasuna, abangoardismoa.

Misioa

MUTUALIA, Gizarte Segurantzarekin Lankidetzan diharduen Mutua, enpresen elkarte pribatua da, irabazi-asmorik gabekoa. Beraren xedea osasungintzako zerbitzuak, prestazio ekonomikoak eta prebentzio-jarduerak kudeatzea da, elkarteko kide diren enpresei eta babestutako pertsonei zuzenduta, Gizarte Segurantzako Sistema egonkorra izan dadin laguntzeko.

Ikuspegia

Erakunde iraunkorra izatea, etiko eta teknologikoki aurreratu gisa finkatzea, bere zerbitzuen balioagatik, bezeroen konfiantzagatik eta ingurune osasungarri eta gizatiar batean lan egiten duen eta helburu partekatu batera bideratuta dagoen talde profesional baten konpromisoagatik aitortua.

2026-2030 Plan Estrategikoa

2026-2030 Plan Estrategikoak Mutualiak kudeaketa arduratsu, hurbil eta jasangarriarekin duen konpromisoa indartzen du.

Plana hausnarketa estrategikoko prozesu baten emaitza da, eta bertan Mutualiak bere etorkizuneko ikuspegia definitu du: erakunde iraunkor, etiko eta teknologikoki aurreratu gisa sendotzea, bere zerbitzuen balioagatik, bere bezeroen konfiantzagatik eta bere talde profesionalaren konpromisoagatik aitortua.

Etapa berri honek erakundearen nortasun-ezaugarriei eusten die: Mutualiako pertsonek definitutako sei balioak (taldea, profesionaltasuna, hurbiltasuna, eraginkortasuna, gardentasuna eta abangoardismoa) eta haien jomuga, Pertsonei osasuna, segurtasuna eta ongizatea edukitzeko eskubidea bermatzea, Gizarte Segurantzarekin lankidetzan.

Hori oinarri hartuta, 2026-2030 Plan Estrategikoak bost ildo estrategiko ditu:

• Gobernantza etikoa eta lidergo arduratsua
• Antolamendu eraginkorra
• Eraldaketa digitala eta modernizazio teknologikoa, zerbitzua eta eraginkortasuna hobetzeko
• Pertsonen ongizatea eta talentua garatzea
• Bikaintasuna prebentzioko, osasuneko eta babes ekonomikoko esperientzia integralean

Bideo honetan labur-labur azaltzen dira planaren gakoak.

Gure konpromisoak

Mutualian, Gizarte Segurantzarekin elkarlanean, gure pertsonen osasunerako, segurtasunerako eta ongizaterako eskubidea bermatzeko helburua dugu, eta gure balioak (hurbiltasuna, eraginkortasuna, profesionaltasuna, abangoardismoa, gardentasuna eta taldea) hartzen ditugu jarduteko erreferentzia gisa, hartara, konfiantzazko mutualitatea, iraunkorra, eta eskaintzen dituen zerbitzu aurreratuen kalitatea eta gizatasunezko tratua direla-eta aitortua izan dadin.

Gure helburua betetzeko berme gisa, Mutualiaren Konpromisoen Karta egin dugu, eta aurkeztu egingo dizuegu. Karta honetan dauden konpromisoak kontrastatu eta neurtu egin daitezke, bai eta alderatu ere beste erakunde batzuetakoekin, eta betetzen diren kontrolatzeko sistema bat ezarri da.

Deskargatu Konpromisoen Gutuna

Aliantzak

Rama Korporazioa Cesma, Ibermutua, MAC, Mutualia eta Mutuen Batasuna mutualitateek osatutako lankidetza-proiektua da.

Aliantza estrategiko hori lankidetza-esparru egonkorra da mutuei esleitutako jarduera-eremuetan, hala nola osasun-prestazioak elkarri ematean, kontingentzia arruntengatiko aldi baterako ezintasunaren prestazio ekonomikoa kontrolatu eta haren jarraipena egitean, asistentzia- eta administrazio-zentroak eta instalazioak batera erabiltzean, bai eta ikerketa-, garapen- eta berrikuntza-jardueretan ere, laneko kontingentziak murrizteko eta mutualitateek kudeatzen dituzten baliabide publikoen eraginkortasuna handitzeko xedearekin.

Rama Korporazioa plantilla bateratua 4.000 pertsonak baino gehiagok osatzen dute, eta 3 milioi langileri ematen diete zerbitzua, 180 laguntza-zentro baino gehiagoren bidez.

Atxikimenduak